Archive for 'Joy!' Category
26號搬左入新屋住
27 December 2009幫襯左間叫順林搬屋，四件大傢俬+十數箱野$1300連茶錢箱錢 新屋中大部分硬件好似床同餐桌都齊啦，仲會買個鞋櫃, 花瓶, 同筒櫃。 軟件就要一件件買或者換番黎, 同埋冇野食, 冇窗簾
三國近况
5 April 2009打左咁耐都未出一張金，都幾令人失望。而且全國勝率只有三乘，到底欠缺左咩呢。
婚期已定
21 November 2007搞左幾個月, 雙方家長輪流提出及推翻建議後, 終於決定了婚期. 我們會在08年6月7日旺角煌府宴會廳 (http://www.palace-rest.com.hk/) 擺酒, 同日早上註冊. 現正招募我的中學同學做兄弟, 多謝響應! 感激不盡!
Enhance your Data Management and Analysis Solution with Microsoft SQL Server 2005
17 August 2007今天又去了Three Pacific Place聽talk. 內容也不錯, 是簡單地介紹了sql2005比2000強的地方, 大部分提及的feature都有即場demo示範. 會場有部自動沖調咖啡奶茶機, 免費任飲. 每天去m$的talk都會有d無聊野送, 今次也不例外, 送左個寫住sql server2005的水杯一個, 最正既係我答中左講者的問題, 贏左個藍芽headset, 不過個headset係墨綠色怪怪地, 仲有寫住sql2005係上面, 唔會係build-in sql server吧, hahah 現在係三國志大戰2的ranking已經係四州, 進入了五州制壓戰, 全國對戰的對手總是七州以上(是我不幸嗎?), 次次都輸一點.. 打電腦也總是被人亂入挑機, 或者我應該玩死一套練熟左先. 有機會一齊玩啊: IC Mark
性格型FLASH遊戲 – rose and camellia
27 July 2007女之戰:http://nigoro.jp/game/rosecamellia/rosecamellia.php#howto
Ticket to Ride
18 July 20077月14日晚上, 告別女友後帶著新買的Ticket to Ride去怪獸家, 參與者除本人外還有相中四傑. 大家普遍都覺得是一隻易上手, 不太傷神, 但又有趣的遊戲. 簡單介紹玩法:遊戲可以2-5人玩, 版圖是美國和加拿大南邊的地圖, 有不同的火車軌連續各大城市. 每位玩家有45輛火車卡, 遊戲目的是要把自己的火車卡霸佔盡多的路軌取分, 同時, 各玩家也要暗中完成指定的任務, 用火車連接兩個車站奪取秘密分數. 遊戲時間約30-60分鐘, 輕遊戲一個, 大人小朋友男女合玩, 只是盒子太大不便收藏和攜帶. 有興趣可到這兒看詳細描述和照片~
峰壽司 – 板前以外的不錯選擇
15 June 2007因為我和女友都是九龍人, 旺角是我們拍拖的經常選擇, 昨晚我們都想吃壽司, 在openrice搵料搵到呢間峰壽司, 就去試下. 我們之前有食過家樂的板前, 先知道香港都可以食咁好味的壽司. 所以今次食峰壽司難免有了比較. 7點半去到旺角創興中心的峰壽司, 等既人唔似板前咁多, 等幾個位(約15min)便可以入座. 入到去最impressive係個茶杯, 我本身係一個好鐘意飲野既人, 尤其係食壽司, 你對住個杯一定多過d壽司, 或者你會好似我咁一路食野會拎住個杯. 佢個杯好靚, 好有日本feel, 係讓你進入狀況, 不過我無影相…另外, 好似其他食評話齋, d伙記加茶加得好密.講番正題 – 壽司– 特大帆立貝壽司: 因為係板前食過同一款, 好鮮味, 所以見到就拎黎試下. 但頗失望, 因為貝唔夠新鮮, 麻麻– 峰蝦壽司: 睇openrice知道呢道峰蝦出名, 當然要食, 果然十分精彩, 蝦夠鮮甜又爽口, 係必食之選, 我地食壽司好少重覆, 但是晚食左3碟– 峰玉子壽司: 迴轉軌上有普通的玉子壽司, 但峰玉子壽司係唔同的, 貴$3, 要即叫即煮, 除左賣相外, 個蛋仲係熱辣辣香噴噴咁出黎, 有d似新鮮麵包的香味….– 其他: 係menu度叫左好多款不同的壽司..都頗有水準, 即使最便宜的$9碟也比其他壽司店好味. overall我會推介峰壽司多於板前, 因為價錢平少少, 而且唔駛等成粒鐘(係旺角黎講), 品質亦差不多. 最後, [...]
PurePure Run!
9 May 2007今天無聊逛黃金商場, 本來想買隻拍拍卡丁車來玩的, 但係已經賣曬, 店員推薦呢隻game《跑ONLINE》,$25.後來知道唔駛錢都可以玩的, 俾多$25只係送你一件無乜用的道具….隻game好似孖寶賽車咁, 最多8個玩家係咁跑, 在不同的場地中跑上跑下跳左跳右, 配合道具盡快衝過終點 以下是我的角色: 另, 最後因為開始番夜班, 放工後無乜野做, 所以開始參加想玩好耐的三國志大戰, 日本已經有2.0啦… 香港只有ver1.1, 但我才剛開始呢… 手上無乜卡, 邊位有白卡多送俾我啊
2月10日打WAR GAME
25 February 2007本月2月10日, 公司組團打WAR GAME, 費用由公司支付! 我係第一次打WAR GAME既, 對於我呢D打battlefield但唔做運動既人黎講, 都幾攞命. 尤其我前一日感冒發燒. 不過係跑完一輪之後已經舒服好多. 由於無乜運動細胞, 動作又慢又大件, 被人射到全身一粒粒, 連個額頭都好似生在暗瘡咁. 不過真係幾好玩, 如果有朋友組團會再去玩的 XD 果日仲影左大合照, 可惜拍照位朋友玩到手都震… 我無加後期效果, 但都可以直接POST出黎, HAHAHA
二月好多野玩
15 February 2007公司剛出了bonus, 拿拿聲走去買等左成年的Wi番黎. 我買的是美版wii, 比日版貴四佰左右, 有點後悔…. 因為美版game不及日版的多和出得快. 我選美版game有英文睇, 玩rpg不懂日本看不明白故事是大煞風景的. 暫時有三隻GAME:隨機附送的wiisport, 二手買番黎的call of duty3, 同埋女友在情人節送的red steel. 後面兩隻要成日拎住支wiimote當槍, 玩得好累, byebye肉都收曬.. hahahha 除此以外, 三國志大戰DS終於入大貨, 各大商場都賣$380-420左右, 可是我卻是由一名遊日歸來的網友手中購入的, $410, 總算比黃金比十皮….