獸拳戰隊
31 March 2010逢星期日早上9:30, 有冇睇無記最新既戰隊特攝片 — 獸拳戰隊呀?
呢套野我之前唔知嫁, 但本著無野做坐係度既心態睇下, 又幾特別喎!
特別在主角團隊一開始得3個人, 仲要3個都唔搶鏡. 扮低能的紅戰士, 扮酷無表情的藍戰士, 同埋唯一女戰士完全無存在感既黃戰士…..
我諗住佢地會打蛇形虎形拳等等… 完來他們會使美洲豹拳(依?!)
亮點來了… 奸角的女助手, 變色龍拳的魅莉(TVB譯名)幾索, 同埋每集都著住套類似旗袍的服裝, 露腰又露肩, 再加上對住蒼蠅(你有睇就知)作出鬼馬的表情, 完全搶曬班粉腸戲.
佢就係平田裕香啦. 仲有拍寫真集
大家記得睇啦! 值得留意既仲有另一樣野, 個編劇應該係超級香港動作片迷! 因為之後會有"七拳聖"登場, 佢地個名分別係: 夏傅,洪斤寶,李連截,程龍,甄子單,楊只瓊,元飆!
真係令人十分極之期待
五年前又係計假
31 March 2010剛進公司時, 兩隻手數得曬所有同事, 工作時間固定, 只是沒有人專責做行政, 我只有代勞去做, 當時只是隨便打開了NOTEPAD記住大家放假的日子.
後來公司變成廿四小時更, 每人上班時間不同, 仗著自己還記得一點點ASP.NET, 工餘時間寫了個Program去記錄假期, 其實用途不大, 但也許那種主動得到上司認同, 後來升職有點關係.
公司長大到十多位同事, 也請了個女秘書兼任行政工作, 假期和排更再也不用煩. 其後公司請了兩個P番黎寫野, 其中一樣就係改好個告假系統, 雖然有BUG, 但還是可以一用, 沿用至今.
直到上個月, 公司撤了秘書, 我又要做番更表, 計假. 但由於有前人的程序, 只要抄上個月照做就可以了, 十分輕鬆.
而且越來越輕鬆, 今天造更表的時候, 又再少了6個同事, 也許很快不需要OpenOffice Calc(即係EXCEL), 用番NOTEPAD都OK啦.
星期三開PARTY
20 March 2010上星期三約同事到家吃飯, 本來諗住打邊爐的, 但我唔想買料買餐死同花太多錢, 決定煮PARTY住家菜(一半PARTY菜一半住家菜), 結果都洗左二百幾, 唔省得多少….
果晚大家飲左阿雲帶來的清酒, 同埋大部份菜都清曬, 大家都好高興. 但十分可惜係唔記得同大家影張相. 我約佢地兩次都唔齊人, 難得是晚齊人麻… 而且我感覺可以齊人拍照既機會唔係太多.
是晚餐單:
生菜包(請參照http://hk.myblog.yahoo.com/tony-karen/mid=20)
中式牛柳(請參照http://hk.myblog.yahoo.com/tony-karen/article?mid=1050, 但我用李錦記中式汁代替自己搞)
葡汁四蔬(呢個煮衰左, 買左樽李錦記加水煮, 但第一次用, 味道濃淡掌握唔好, 難吃)
白汁意粉(開左罐金寶忌廉湯)
青瓜栗米沙律(係向黃X業家參加PARTY時學番黎的, 整左兩次都係最受歡迎食物!)
菠蘿腸仔(罐頭貨, 唔駛煮)
煲完成套《求婚大作戰》
16 March 2010印唔住睇無記一星期一集的求婚, 因為每集的hook真係太勁, 結果同老婆係土豆睇曬12集連埋SP(SP必睇!)
套劇係講男主角非常懊悔, 在十幾年的歲月裡都沒有向青梅竹馬的女主角表白, 結果她嫁給了別人. 男主角的悔恨引來精靈的注意並幫助他回到過去, 從來一次, 去改變現實….
好睇既原因係:
- 女主角長澤雅美真係好靚女. 佢唔係果種瓜子臉既索女, (反而係網上見到網友評為師奶臉)劇裡面都沒有染髮沒有化濃妝的, 成個乖乖女咁. 係人都想搵佢做老婆, 所以裡男主角有一份認同感.
- 男主角的戲雖然普普通通, 但劇本好似為佢而設咁, 恰如其分. 成日都木口木面扮COOL, 唔願意表露感情, 但要喊既時候都會喊. 同埋劇本設為男主角為一個好溫柔好肯幫忙身邊人的人, 有時為了幫人誤了自己大事, 令人討好. 每次見佢MISS左同女主角告白機會, 除左鬧佢懦弱, 都好想幫佢, 希望下一集會有轉機.
- 劇本應建一功, 條大橋(回到過去改變現在)雖然普通左D, 但每個細節都寫得好好. 有奇蹟之餘亦不失合理感, 細節間又往往環環緊扣, 每集都有些首尾呼應, 讓觀眾看到每集尾都有個驚喜.
- 配角的戲又十分出色, 讓劇集有笑有淚, 與兩位主角的互動讓角色更加明顯. 由第一集看起來只是大配角的人, 到最後一集使人驚嘆沒有這些人, 男女主角是不會有美滿結局的.
今晚食乜餸?
17 February 2010今晚好凍….唔想打字. 所以只貼相, 有時間再補材料和步驟.
02-17 
02-16
年三十晚
估唔到五年前我會寫D咁野
30 January 2010I am an analytic, flexible and creative person. In a team, I am always the one giving idea and catalyze the brainstorming session. When working individually, I always like to find some way to raise the working efficiency. However, I am not a compliant person. In my past working experience, my boss would not be happy with my disobedience but they also appreciate that I have independent judgement.
逢星期日早上11點TVB
24 January 2010求婚大作戰劇情好好睇. 兩個女主角都好靚
海鮮炒烏冬
21 January 2010
材料: 烏冬, 生菜切絲, 蟹柳切件, 蒜頭
調味料: 生抽一湯匙, 雞粉少許, 生粉少許, 麻油少許, 水三湯匙
做法: 下一點油燒熱蒜頭, 然後把烏冬丟進去炒約一分鐘, 注意熱度可能炒久些或短些, 然後把菜丟下去, 菜熟後再把蟹柳和調味料丟下去. 調味料中水的份量如果太多, 可以煮久一些. 炒至滿意的焦度便上碟.
變化: 紹菜比生菜有咬口, 但較難熟透.
可加入魷魚和切片的魚旦.
調味料中有老抽加色效果會更好.
無題
6 January 2010這一刻的心情是: 擔憂又高興
上層板分享
5 January 2010係IKEA買左LACK系列的層板, 呢系列好處係無L架, 裝上牆上會好睇D, 好似牆既一部分咁. 百多元買了個約180CM闊的板…
首先, 要上好內藏的鐵架: 
然後, 插入木板, 再上鏍絲固定: 
<- 呢個角度見到係唔貼邊的, 我故意留1/4寸位以防有偏差害到塊板入唔到.
別看只有兩個步驟, 好像好容易…. 光要量好間距鑽洞就花了我兩天! 原因1. 要做到貼邊, 及與旁邊的樑成水平. 原因2. 鐵架比木板窄和短, 量好木板然樑的距離後, 又要再量鐵架. 原因3. 非常長非常重還要放很高! 如果單手可以舉起的話, 量度起來當然很簡單, 但以這個長度, 要單手舉起, 還要先舉起一邊, 度尺, 再舉起另一邊, 再度尺, 是不可能的! 舉得起都會手震! 原因4. 只有一次機會… 如果鑽錯左, 可能唔單止要再鑽過, 最差既情況係要放棄, 心理壓力好大, 反反復復度過好多次先敢鑽……
要解決1,2,3, 其實只要IKEA能花多點心思, 提供鐵架相同大小和洞位的紙板, 用家只要用紙板度位, 再用釘子於洞位留痕, 然後再鑽, 是次工作肯定輕鬆又簡單…. 第4點亦不再是難題.
今晚終於完成…BYEBYE層板.
同場加映我老婆煮既晚餐, 係新屋第一次煮嫁:
top